Cofnodion - Y Pwyllgor Busnes

Lleoliad:

Tŷ Hywel

Dyddiad: Dydd Mawrth, 28 Ionawr 2025

Amser: 09.04 - 09.19
 

O bell/ Preifat

------

Yn bresennol

Categori

Enwau

Aelodau’r Pwyllgor:

Elin Jones AS, Llywydd (Cadeirydd)

Paul Davies AS

Heledd Fychan AS

Jane Hutt AS

Staff y Pwyllgor:

Graeme Francis (Clerc)

Yan Thomas (Dirprwy Glerc)

Eraill yn bresennol

David Rees AS, Y Dirprwy Lywydd

Manon Antoniazzi, Prif Weithredwr a Chlerc y Senedd

Matthew Richards, Cyfarwyddwr Busnes y Senedd Dros Dro

Bethan Davies, Pennaeth Gwasanaeth y Siambr a Phwyllgorau

Julian Luke, Pennaeth Pwyllgorau Polisi a Deddfwriaeth

Helen Carey, Llywodraeth Cymru

 

<AI1>

1       Cyflwyniad, ymddiheuriadau a dirprwyon

Croesawodd y Llywydd yr Aelodau i’r cyfarfod. Cafwyd ymddiheuriadau gan Jane Dodds.

 

</AI1>

<AI2>

2       Cofnodion y cyfarfod blaenorol

Cytunwyd ar gofnodion y cyfarfod blaenorol i’w cyhoeddi

 

</AI2>

<AI3>

3       Trefn Busnes

</AI3>

<AI4>

3.1   Busnes yr wythnos hon

Dydd Mawrth

 

·       Cynhelir y Cyfnod Pleidleisio cyn trafodion Cyfnod 3.

·       Nid yw'r Cyfarfod Llawn yn debygol o fynd y tu hwnt i 8.00pm.

 

Dywedodd y Llywydd wrth y Rheolwyr Busnes y byddai angen egwyl o 10 munud cyn i drafodion Cyfnod 3 ddechrau. Cytunodd y Rheolwyr Busnes y byddai hyn yn cael ei gynnal ar ôl y Cyfnod Pleidleisio.

 

Dydd Mercher

 

·       Caiff y Cyfnod Pleidleisio ei gynnal cyn y Ddadl Fer.  

·       Nid yw'r Cyfarfod Llawn yn debygol o fynd y tu hwnt i 6.45pm.

 

 

</AI4>

<AI5>

3.2   Amserlen busnes y Llywodraeth ar gyfer y tair wythnos nesaf

Rhoddodd y Trefnydd wybod i’r Rheolwyr Busnes am y newidiadau canlynol i amserlen Busnes y Llywodraeth ar gyfer y tair wythnos nesaf:

 

Dydd Mawrth 4 Chwefror 2025

·       Datganiad gan Ysgrifennydd y Cabinet dros Lywodraeth Leol a Thai: Diwygio Diwylliant a Llywodraethiant yn y Gwasanaeth Tân ac Achub (45 munud) Tynnwyd yn ôl

 

Dydd Mawrth 11 Chwefror 2025

·       Dadl: Mesur Teithio gan Ddysgwyr (60 munud) Tynnwyd yn ôl

 

Dywedodd y Trefnydd y bydd y ddwy eitem yn cael eu haildrefnu yn ddiweddarach.

 

Gofynnodd Heledd Fychan i'r Llywodraeth ystyried amserlennu datganiadau llafar ar: ymchwiliad diweddar y BBC i grwpiau asgell dde eithafol yng Nghymru; goblygiadau diwygiadau pensiwn i Gymru; a chynnydd tuag at gyrraedd targedau ar gyfer lleihau rhestrau aros y GIG erbyn gwanwyn 2025. Dywedodd y Trefnydd y byddai'n ystyried pob cais gyda’r Ysgrifenyddion Cabinet perthnasol.  

 

 

</AI5>

<AI6>

3.3   Amserlen busnes y Senedd ar gyfer y tair wythnos nesaf

Cytunwyd i ychwanegu’r eitemau a ganlyn i Amserlen Busnes y Senedd ar gyfer y tair wythnos nesaf:  

 

Dydd Mercher 5 Chwefror 2025 –

·         Dadl ar adroddiad y Pwyllgor Safonau Ymddygiad: Pedwerydd adroddiad ar bymtheg i’r Chweched Senedd o dan Reol Sefydlog 22.9 (15 munud)

 

Dydd Mercher 19 Chwefror 2025 –

·         Dadl ar Adroddiad y Pwyllgor Plant, Pobl Ifanc ac Addysg: Plant sydd ar yr ymylon (60 munud)

·         Amser a neilltuwyd i’r Ceidwadwyr Cymreig (60 munud)

·         Amser a neilltuwyd i Blaid Cymru (60 munud)

 

</AI6>

<AI7>

3.4   Cynigion deddfwriaethol yr Aelodau: Dewis Cynnig ar gyfer Dadl

Trafododd y Pwyllgor Busnes y cynigion arfaethedig ar gyfer dadl a chytunwyd i amserlennu’r cynnig canlynol i’w drafod ar 5 Chwefror:

 

Sioned Williams AS

NNDM8724 

Cynnig bod y Senedd: 

1. Yn nodi cynnig ar gyfer Bil ar sicrhau cydnabyddiaeth a chefnogaeth i ofalwyr di-dâl. 

2. Yn nodi mai diben y Bil hwn fyddai: 

a) gwella'r cymorth sydd ar gael gan Lywodraeth Cymru, awdurdodau lleol a lleoliadau gofal iechyd ar gyfer gofalwyr di-dâl, yn seiliedig ar yr hawliau a nodir yn Neddf Gwasanaethau Cymdeithasol a Llesiant (Cymru) 2014; 

b) cadarnhau'r gwaith o gasglu a monitro data ymgysylltu â gofalwyr di-dâl ar draws gwasanaethau statudol i adrodd arnynt o bryd i'w gilydd; 

c) sicrhau bod rhagor o ddata gofalwyr di-dâl yn cael eu rhannu, lle bo hynny'n briodol, rhwng gwasanaethau statudol i gefnogi gofalwyr wrth iddynt lywio drwy wasanaethau ac eirioli dros y bobl y maent yn gofalu amdanynt; ac 

ch) gosod dyletswydd ar Lywodraeth Cymru ac awdurdodau lleol i gydnabod gofalwyr di-dâl fel grŵp blaenoriaeth wrth ddylunio a darparu pob ymyriad polisi yn y dyfodol. 

 

</AI7>

<AI8>

4       Deddfwriaeth

</AI8>

<AI9>

4.1   Diweddariad ar Femoranda Cydsyniad Deddfwriaethol

Trafododd y Pwyllgor Busnes y wybodaeth ddiweddaraf ar Femoranda Cydsyniad Deddfwriaethol a chytunodd i wneud yr hyn a ganlyn:

 

 

Hefyd, rhoddodd y Trefnydd y wybodaeth ddiweddaraf am y Bil Dŵr (Mesurau Arbennig), yn dilyn y ddadl a gynhaliwyd yn y Cyfarfod Llawn ddydd Mawrth 21 Ionawr. Yn dilyn gwelliannau i'r Bil sydd wedi eu cyflwyno gan Lywodraeth y Deyrnas Unedig yng Nghyfnod Adrodd Tŷ'r Cyffredin, mae Llywodraeth Cymru yn bwriadu cyflwyno Memorandwm Atodol pellach ar y Bil. Gan fod disgwyl i drafodion y Cyfnod Adrodd gael eu cynnal heddiw, nododd y Pwyllgor Busnes na fyddai’n bosibl mwyach i’r Senedd wneud penderfyniad ystyrlon ar gydsyniad mewn perthynas â’r gwelliannau diweddaraf.

 

Cytunodd y Pwyllgor Busnes i beidio â gosod dyddiad terfyn i bwyllgorau'r Senedd gyflwyno adroddiad ar y Memorandwm Atodol diweddaraf, ond nododd fod pwyllgorau'n parhau i allu trafod a chyflwyno adroddiad ar y Memorandwm Atodol pe baent yn dewis hynny.

 

</AI9>

<TRAILER_SECTION>

</TRAILER_SECTION>

<LAYOUT_SECTION>

1.          FIELD_TITLE

FIELD_SUMMARY

</LAYOUT_SECTION>

<TITLE_ONLY_LAYOUT_SECTION>

2.          FIELD_TITLE

</TITLE_ONLY_LAYOUT_SECTION>

<HEADING_LAYOUT_SECTION>

FIELD_TITLE

</HEADING_LAYOUT_SECTION>

<TITLED_COMMENT_LAYOUT_SECTION>

FIELD_TITLE

FIELD_SUMMARY

</TITLED_COMMENT_LAYOUT_SECTION>

<COMMENT_LAYOUT_SECTION>

FIELD_SUMMARY

</COMMENT_LAYOUT_SECTION>

 

<SUBNUMBER_LAYOUT_SECTION>

2.1          FIELD_TITLE

FIELD_SUMMARY

</SUBNUMBER_LAYOUT_SECTION>

 

<TITLE_ONLY_SUBNUMBER_LAYOUT_SECTION>

2.2          FIELD_TITLE

</TITLE_ONLY_SUBNUMBER_LAYOUT_SECTION>